Handgmacht. Persönlech. Mit viu Härz.
Schön bisch du da!
Bi Maribella Handlettering entstöh mit viu Liebi zum Detail handgmachti Unikat, personalisierti Gschänk & chlini Botschafte für die ganz bsungrige Momänte im Läbe.
Zum Verschänke, Erinnerige feschtzhaute oder eifach öpperem e ganz persönlechi Fröid z'mache.
Für die bsungrige Momänte im Läbe
Charte & Ahänger
Für Geburtstag, Geburt, es Merci, di Lieblingsmönsch oder eifach so – chlini handgmachti Botschafte, wo Fröid mache.
Baby Biuder
Es ganz persönlechs Erinnerigsstück zur Geburt oder Toufi. Jedes Biud wird vo mir vo Hang aquarelliert u mit de persönleche Geburtsdate ergänzt – so entsteit es Unikat wo blibt.
Personalisierti Charte
Mängisch darfs chli persönlecher si. Mini Charte wärde vo Hang gstautet, gmaut, beschriftet u ganz nach dim Wunsch personalisiert.
Individuelli Ufträg
Du hesch e Idee im Chopf, fingsch aber nid genau das, wo du suechsch? Verzeu mir dervo! Gärn luege mir zäme, was sech drus laht la zoubere.
Es Unikat fürnes ganz nöis Läbe
Es Baby Biud isch meh aus nume es Gschänk – es isch es Erinnerigsstück ah eine vode bsungrigste Momänte im Läbe.
Jedes Motiv wird vo mir mit Aquarellfarb vo Hang uf Papier bracht u mit Name, Geburtsdatum, Zyt, Gwicht & Grössi
vom Baby ergänzt. So entsteit Stück für Stück dis ganz persönleche Unikat – mit viu Liebi gmacht u parat, es Plätzli im Chinderzimmer z'finge.
Hej Hej, ig bi d'Marina
Floristin, kreativi Seele u dr Chopf, d'Häng & z'Härz hinger Maribella.
Kreativ z'si begleitet mi scho lang. Aus glehrti Floristin schaffi jede Tag mit Farbe, Forme u viu Liebi zum Detail – u genau die Lideschaft fingtme oh bi Maribella wider. Was mit dr Fröid am schöne Schribe u Gstaute ahgfange het, isch mit dr Zyt zu mim ganz persönleche Härzensprojekt worde.
Ig liebe die Momänte, we us Papier, Farbe ure Idee öppis ganz Persönlechs entsteit – öppis, wo verschänkt wird, Erinnerige fescht hautet oder eifach es Lächle iz Gsicht zouberet.
Möchtisch no chli meh über mi u d'Gschicht hinger Maribella erfahre?
Mit Liebi vo Hang gmacht
Persönlech
Viu vo mine Produkt chöi individuell personalisiert wärde – so das dis Gschänk würklech zu dim Lieblingsmönsch passt.
Handgmacht
Vor erschte Idee bis zum fertige Wärch steckt i jedem Stück viu Handarbeit u Liebi zum Detail.
Einzigartig
Ke Massenware. Grad bi mine handgmaute u personalisierte Produkt isch jedes Wärch chli angers – u genau das machts bsungers.
Maribella vor Ort
Du möchtisch mini Charte lieber vor Ort ahluege u dir dis Lieblingsstück direkt ussueche?
E Uswau vo mine Charte u Gschänkahänger fingsch oh im Bluemelade Blütenreich z'Thun, woni aus Floristin schaffe.
U vom 7. November 2026 bis Ändi Februar 2027 fingsch Maribella zuesätzlech im Pop-up Store z'Münsige.
Chum verby, stöbere dür mini Charte u entdeck Maribella mau nid nume online.
Lueg mir über d'Schuutere
Du möchtisch gseh, was grad uf mim Arbeitstisch entsteit?
Uf Instagram nimi di immer wider chli mit hinger d'Kulisse vo Maribella – vom erschte Pinsustrich bis zum fertige Unikat.
Name
Marina Gäggeler
Telefon
078 627 42 30
info@maribellahandlettering.ch
maribella_handlettering